موهبه تحليل الشخصيه

استعرض الموضوع السابق استعرض الموضوع التالي اذهب الى الأسفل

موهبه تحليل الشخصيه

مُساهمة  fatti-88 في الأحد يونيو 08, 2008 3:31 am

]مامن شك اخواني واخواتي ان الغوص فالنفس البشريه متعه مابعدها متعه
وحلم تهافت عليه السابقين والمعاصرين من الناس وبين ضروب الدجل
والشعوذه ومخالفه الشرع زي مثلا اعرف حظك اليوم وقراءه الكف والفنجان
واعمال العرافه وبين العلوم الانسانيه زي علم النفس وعلم الاجتماع
واخيرا ظهر احدث علم واحدث صيحه في العالم وهو علم البرمجه اللغويه العصبيه
او الال ان بي بالانجلش وبزغ في هذا العلم شباب وناس كتير علي راسهم العالم
الانجليزي طومسون والعالم المصري ابراهيم الفقي
وعلم البرمجه اللغويه العصبيه باختصار هو العلم اللي بيعرفك ازاي بيفكر الانسان وازاي ميكانيكا العواطف والافكار والطموحات والاحلام بتمشي
وبتعرفك كمان ازاي تاسر القلوب وتخلي الناس تحبك وانتا كمان تحب الناس
وكمان تعرفك ازاي تنيم اي انسان مغناطيسيا كل ده فالعلم ده
عشان كده يجماعه انا خدت دوره مكثفه فالعلم ده واتمني اعمل تطبيقات عليه معاكم

واول تطبيق هو ازاي تعرف شخصيتك
وانا هوجه خمس اسئله كمرحله اولي حاول تتاملهم كويس وتجاوب عليهم بعمق
واللي عليا اني هقرا اجابات كل اخ او اخت واحاول احدد نوع وتركيبه الشخصيه
اللي ادامي سواء كانت شخصيه منطويه منبسطه مرحه كئيبه مثلا وحاجات تانيه هنعرفها اثناء التحليل
والاسئله كالتالي الاول
هل انت شخصيه تحب السماع اكثر ام النظر والبصر اكثر ولو كنت سماعي اكتر بتحب تتكلم اكتر ولا غالبا بتسمع وان كنت بصري بتحب تشوف ايه المناظر المثيره
ولا الهادئه
الثاني
بترتاح اكتر اثناء الاختلاط مع الناس ولا لما تكون لوحدك وبتكون اكتر سعاده وانت لوحدك ولا مع الناس
الثالث
الاكل عندك مهم جدا ولا عادي يعني بمعني عندك نهم للاكل سواء كنت جعان ولا لا
واللبس بتحب تكون انيق وبتتفنن في اختيار ملبسك وهندامك وشعرك ولا عادي
وايه انواع الاكلات المفضله ياتري المعقده ولا البسيطه واللحوم والطبيخ ولا الفواكه اكتر
الرابع
بتحب الصخب والاصوات حواليك ولا بتحب الهدوء اكتر وافضل واصوات ايه اكتر اللي بتحبها الناس ولا الاطفال ولا الالات
الخامس
ايه اللي بيخليك تبكي احساسك بالاهانه ولا لما ترق حالا لمنظر المك مثلا منظر طفل بيبكي امراه بتضرب او بينتهك عرضها المهم ايه اللي بيعصبك اكتر وبيخليك تفقد اعصابك وتبكي
واحب فالنهايه اركز ان اي تحليل هقوله هيكون نابع من دقتك فالاجابه فبقدر احترازك
واهتمامك باجاباتك بقدر ماهيكون توفيق فالاجابه مني وبكرر يااخواني واخواتي ده علم وعلم معتبر
وكمان من باب اصلاح النفس ومعرفه عيوبها والوقوف عليها
منتظر اجاباتكم ومشاركاتكم واكون سعيد جدا باي عضو او اخت كريمه تشاركنا لعبتنا
اللي هدفها اننا نرضي ربنا ونصلح من نفسنا

fatti-88

المساهمات : 268
تاريخ التسجيل : 02/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: موهبه تحليل الشخصيه

مُساهمة  Admin في الأحد يونيو 08, 2008 5:30 am

شكرا لك اختي مزيدا من التميز
avatar
Admin
Admin

المساهمات : 269
تاريخ التسجيل : 30/05/2008
العمر : 26

معاينة صفحة البيانات الشخصي للعضو http://radoin1.allgoo.net

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى